Tetun: Uma Naroman ba Povo nu’udar asaun konkreta husi Komitmento VIII Governo Konstitusional katak Centro ba Desenvolvimento mak ema (Povo).

---

Aldeia Remetu, 6 de Dezembro de 2022, Diretor-geral desenvolvimento rural señor Rosito Guterres hatoo liu hirak ne’e wanhira reprezenta S.E Ministro MAE, hodi entrega uma naroman ba povo unidade 3 nebe implementa liu husi Programa Nasional Desenvolvimento Suku (PNDS) ba inan benefisiariu nain tolu iha suku Poetete, posto administrativu Ermera, munisípiu Ermera. Iha intevensaun tomak, DG Rosito aprezenta mos politika MAE nian nebe defini ona iha Grande Opsaun no Plano, Programa prinsipal MAE nian nebe koalia liu kona-ba Desentralizasaun no Poder Lokal, Desenvolvimento lokal no rural nebe implementa liu husi programa PDIM, PMOPA, PNDS no PMOHA ba komunidade no autoridade komunitáriu sira hothotu. DG Rosito hateten wanhira hahú UKL iha tinan 2021 liu husi uma unidade 1.254 sosiedade sivil fo opiniaun sobre liafuan Kbit Laek tanba ne’e mak iha 2022 como modelu desenvolvimento ida bazeia ba aspirasaun ema hothothu nian no partisipativu ema hothotu nian nuudar pratika Boa Governasaun, mak iha tinan 2022 transforma naran uma kbit laek ba iha Uma Naroman ba Povo no iha tinan 2022 VIII Governu konstitusional liu husi programa PNDS introduz mos Uma naroman ba povo normal 2022 uma 9-10 kada suku, no implementa mos modalidade Uma naroman ba Povo tipu A Uma tomak no Tipu B fahe Zinku ba komunidade sira nebe oras ne’e daudaun PNDS kontinua implementa iha Postu no Suku hothotu no oras daudaun kontinua lao maske ho iklima udan nebe difikulta ekipa sira terreno wanhira mobiliza material. Iha prosesu inagurasaun DG Rosito konvida inan faluk no hamutuk ho nian oan sira mak inagura rasik sira nian uma, DG hateten ho nunee nu'udar aktu ida katak uma ne’e depois de hari no entrega ba oin nain ba uma ne’e mak sira nebe sai uma nain ne’e. Lao Uma Governu nian, tanba ne’e husu atu garantia uma ne’e kontinua diak no kuidado uma ne’e para bele uja tempo kleur no bele halo manutensaun wanhira persija. Governo sei kontinua foku ba komunidade veneravel sira seluk nebe kondisaun moris persija uma hanesan ne’e. no uma nebe hotu ona ne’e responsavel mak nain ba uma ne’e atu garantia kondisaun diak nafatin no bele kompleta liu tan kondisaun sira nebe iha ona. DG Rosito hatoo parabens no obrigado ba orgaun hothotu nebe kontribui tebes ba programa PNDS durante ne’e liu-liu Ekipa Jestaun Suku sira, EVB, konsellu suku no ema hothotu nebe verifika benefisiariu UKL, Staft PNDS postu nebe servisu iha area remotas no hasoru difikuldade oioin, ekipa PNDS municipio no autoridade lokal Postu no munisípiu sira hothotu. DG Rosito hateten MAE iha mandato Governo ne’e, nebe lidera husi Dr. Miguel Pereira de Carvalho konsege halo suku iha mudansa boot tebes, tanto hahu husi Infraestrutura nebe barak tebes implementa iha suku hahu husi prioridade regular, RSS hadiak kondisaun suku, RKRE nebe implementa projeto sira nebe kontribui ba rekoperasaun ekonomiku, projetus be-mos no uma naroman ba povo nebe aumenta kuantidade kada suku. Tanba ne’e DG husu ba populasaun sira wanhira ita boot sira satisfaz ho progresu sira nebe VIII Governu nee atinje ona, importante liu populasaun hothotu kontinua partisipa ativu no kontribui prosesu desenvolvimentu sira nebe destinado ba Aldeia, Suku, Postu no Municipio sira. Prioridade MAE nian nebe defini ona iha Lei GOP ba 2023 no iha tinan 5 oin mai mak Programa Desentralizasaun no Poder lokal no Promove desenvolvimentu lokal no rural liu husi programa sira temi iha leten, PDIM, PMOPA, PNDS no PMOHA. Ba progresu desentralizasaun too ohin loron lei rua importante konsege produz ona iha mandatu Governu ne’e mak lei poder lokal no Lei Elisaun municipal, falta tan legislasaun lei finansa muncipal para kompleta no esperra tinan hira mai tan municipio sira balun bele trazita ona ba forma Deskonsentrasaun Administrativa. Tenik DG Rosito. DG Rosito reprezenta S.E Ministro MAE, akompana husi Nai deputado Antonio “55”, Administrador Posto Ermera, Reprezentante PNDS Nasional, no Ekipa PNDs Municipio no Postu. Hafoin Inagura Xefe suku Poetete no Komunidade hatoo mos proposta DGDR sobre dalan asesu ba aldeia sira nebe isola tebes ba dalan tanba akur mota Gleno, devizaun administrativa suku Poetete nebe nota katak Poetete iha populasaun 12.000 liu no iha aldeia 12 kedan no difikulta desenvolvimentu iha suku Poetete lao tarde liu tanba aldeia barak liu. Komunidade sente agradese no kontente tebes ho DG nebe bele esklarese asunto sira ne’e ho diak no sira kompriende tebes plano MAE nian agora no iha oin mai. Iha fatin ne’e Joventude mane nebe sai mos MC ba programa hatoo nian orgolho ba DGDR tanba bele hatoo buat nebe lolos no nian hateten mensagem nebe DG Rosito hateten importante tebes atu komunidade sira tenke hanoin didiak ba oin. Mensagem nebe DG hateten “Husu ba povo sira ita boot sira mak tenke sai juri ba dezenpenu ukun Governu ne’e, tanba ne’e Ita boot sira hothotu tenke uja liafuan Durante ami nian matan seidauk hare, Ami nian liman seidauk kaer, Ami sei la fiar lia bosok” Tanba iha povo nian leet ema sempre lori bosok dehan osan governo la iha no governu la halo desenvolvimentu maibe realidade MAE hatudu duni rezultado nebe diak tebes iha Governu ne’e.

1. Remata

Media Gabinete DGDR

Ministério da Administração Estatal