Benutzer:Emendare/Rolfsen (Soderstorf)
Vorlage:Dörpbox Rulfsen (Vorlage:Smiley: Der Parameter de wurde nicht erkannt! ) is en Dörp in de Gemeen Soosdörp (Samtgemeen Amelkusen) in’n Landkreis Lümborg, Neddersassen.
Geografie[Bearbeiten | Quelltext bearbeiten]
De Oort liggt in de Lümbörger Heid. Dat Water ut dat Rebeed flütt över Hambeek un Swinnbeek na de Luh hen af.
De Naveröörd sünd Eyndörp un Raben in’n Noorden, Puunsen un Wetzen in’n Noordoosten, Olndörp, Wohlenbüttel, Amelkusen un Etzen in’n Süüdoosten, Dernsen un Soosdörp in’n Süden, Ebendörp in’n Westen un Äästörp un Lübberstää in’n Noordwesten.
Historie[Bearbeiten | Quelltext bearbeiten]
To de öllsten Funnen op dat Rebeed von dat Dörp höört de Steenkist von Rulfsen.
Verwaltungsgeschicht[Bearbeiten | Quelltext bearbeiten]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Rulfsen in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort weer fröher opdeelt. Een enkelten Hoff hett to dat Amt Garz tohöört un de Rest to de Amtsvaagdie Amelkusen in dat Amt Winsen. 1795 hett dat Amt Garz sien Hoff an dat Amt Winsen afgeven.[1] Von 1852 bet 1859 hett de Oort to dat Amt Solzhusen höört un von 1859 bet 1885 wedder to dat Amt Winsen. Na 1885 weer dat in’n Kreis Winsen. 1932 is dat Deel von’n Kreis Horborg worrn.
De Oort weer fröher en egenstännige Buurschop un later Gemeen. Düsse Gemeen is 1928/1929 mit de Gemeen Raben tohoopleggt worrn. De ne’e Gemeen hett Raben heten. To’n 1. Oktober 1951 hett sik dat ännert: Raben un Rulfsen sünd wedder twee egenstännige Gemenen worrn.[2] Mit de Gemeenreform in Neddersassen an’n 1. Juli 1972 is Rulfsen denn aver mit Raben un Soosdörp to de Gemeen Soosdörp tohoopleggt worrn. An’n 1. März 1974 keem de Gemeen Soosdörp von’n Landkreis Horborg an’n Landkreis Lümborg. Siet dissen Dag höört de Gemeen Soosdörp to de Samtgemeen Amelkusen.
Inwahnertall[Bearbeiten | Quelltext bearbeiten]
Religion[Bearbeiten | Quelltext bearbeiten]
Rulfsen is evangeelsch-luthersch präägt un höört to dat Kaspel von de Martin-Kark in Raben.
För de Kathoolschen is de Marien-Kark in Lümborg tostännig.
De Doden warrt op’n Karkhoff Raben bi de Rabener Kark begraven.
Börgermeesters[Bearbeiten | Quelltext bearbeiten]
- –1972: Gustav Schaefer
Kultur[Bearbeiten | Quelltext bearbeiten]
Verenen[Bearbeiten | Quelltext bearbeiten]
De Schüttenvereen Raben-Rulfsen is 1925 grünnt worrn.
Bruukdom[Bearbeiten | Quelltext bearbeiten]
In’n Winter fiert de Dörper Raben un Rulfsen tohoop Faslam.
Weertschop un Infrastruktur[Bearbeiten | Quelltext bearbeiten]
För Rulfsen is de freewillige Füürwehr Raben-Rulfsen tostännig, de 1946 grünnt worrn is. Dat Sprüttenhuus steiht in Rulfsen.
Verkehr[Bearbeiten | Quelltext bearbeiten]
Dör Rulfsen löppt de Kreisstraat 44, de in’n Noorden över Raben un Eyndörp na Solzhusen geiht un in’n Süüdwesten över de Öörd Soosdörp, Swimmbeck, Stimbeck un Hützel na Bissen. Von Soosdörp kummt een över de K 9 na Amelkusen an de Bundsstraat 209.
De nächste Autobahn is de Autobahn 7 (Afsnidd Hamborg–Hannover). De Opfohrt 42 Ebendörp liggt so negen Kilometer in’n Westen von Rulfsen an de L 212 un de Opfohrt 41 Äästörp negen Kilometer in’n Noordwesten an de K 5.
De nächste Bahnhoff is so bi 24 Kilometer wied weg in’n Süden de Bahnhoff Wriel an de Bahnlien Ülzen–Langwedel. De Bahnhoff Winsen an de Bahnlien Hamborg–Hannover liggt 24 Kilometer in’n Noorden un de Bahnhoff Lümborg 25 Kilometer in’n Noordoosten. Von 1913 bet 1975 hett dat ok op de Bahnlien Lümborg–Soltau Personenverkehr geven. De nächste Bahnhoff weer in disse Tied dree Kilometer in’n Süden in Soosdörp.
Scholen[Bearbeiten | Quelltext bearbeiten]
De Kinner ut Rulfsen gaht na de Grundschool Soosdörp.
Footnoten[Bearbeiten | Quelltext bearbeiten]
- ↑ Ernst Spangenberg: Sammlung der Verordnungen und Ausschreiben welche für sämmtliche Provinzen des hannoverschen Staats ergangen sind. 3. Deel (1780-1799), Hahnsche Hoffbookhandlung, Hannover 1821, Sied 765-778
- ↑ Neues Archiv für Niedersachsen. Band 5, W. Dorn, 1952, Sied 630
Weblenken[Bearbeiten | Quelltext bearbeiten]
[[Kategorie:Oort]] [[Kategorie:Landkreis Lümborg]]